。o 細寶尋寶部落格o 。

2013年6月15日

DAY 1 

(返工 - > 香港機場 - > 高雄 - > 酒店 - > 光南大批發 - > 六合夜市 - > 酒店)

成日覺得去旅行至少要5日或以上，日數緊係越多越好啦~

始終唔好浪費機票錢同玩得盡興D MA!!

所以今次既台南之旅我都PLAN到好盡，收工收點半就立刻出發啦!!

今日7點幾拎埋行李返工，明明推住行李係代表開心地出發，不過又要懷住返工既心態...@___@''' 真矛盾!!!

其實今次都唔係好得閒諗E種矛盾..因為出門果時勁大雨，我拿拿林搵幾個白色既垃圾膠袋包住好狼狽咁拉行李箱... 仲要E個米奇行李箱本身都幾有重量(細寶我下一個決定唔會再買硬膠款啦!!)

點半安然收工!! 正式興奮地出發啦!!!

由於搭4點幾機，都想盡快到機場安心點，所以搭左人生第一次既機場快線~ 由香港站到樹場只係20MIN左右，真係深深體會到咩叫有錢人既用錢係買到時間GAR $______$

每次去搭飛榭前都一定一定要走一轉既DISNEYLAND STORE!!

入面貨品種類唔少，去打一轉就好似去左disney既精品店咁~

價錢仲要堅係唔貴，二百幾一件tee真係靚過B記G記多多聲，真係好多野都好想買，

奈何每次一拎起都會同自己講.....唔係要拎住去外地再拎返香港呀 =_____-'''' 所以通常都會放棄入貨.....

  < - 超似隻狗既MINNIE XDDD

不知何時成了香港人指定拍照地點既登機號碼牌，拍一拍照就依時登機。不過我習慣等佢條隊冇咩人先上機，反而唔係好明點解個個一知道有得上機就排晒長龍，驚死上機冇位坐咁。

雲外看~~~~新生趣~~~~~~ BYEBYE HONG KONG!!! BYE BYE MY HOMETOWN!!!!

香港飛去高雄真係好誇張地快，一起飛完就派餐，一食完就落機 ...仲快過我由屋企去東門!!!

順便再望望一落機要點去酒店，同時不減懷疑的感覺: 由機場去市區真係可以咁快咁平 ?!?!?!?!

到達高雄車站啦!!! 原來真係好似書上面講咁勁快勁平。

一望到市區個容貌，真係好想大叫一句: 我到左啦!!!!

離開左高雄車站，雖然行左陣繞左一圈，不過都叫幾快就搵到間酒店。

我地今次住係 御宿商旅站前館 (Royal Group Hotel Chang Chien Branch)，屬於4星酒店。(http://www.agoda.com/zh-hk/royal-group-hotel-chang-chien-branch/hotel/kaohsiung-tw.html?asq=jGXBHFvRg5Z51Emf%2fbXG4w%3d%3d )

優點係近捷運站，行去六合夜市一條直路就到，只需15分鍾。雖然房間偏細，不過酒店內外都好新，房間收到WIFI，而星期六晚既價錢都只需HKD413.36，算係幾平下。

而且係AGODA訂酒店真係好信得過好方便，大家下次可以試下!

途中經過光南大批發(https://www.facebook.com/KUANGNANAV)，成橦真係好多野買呀，又文具又家品又食得又化妝品!!

買既野有唔少都係made in japan，而價錢係平香港唔少gar!!所以我地第一站就已經買左成千蚊台幣啦~

在大熱天氣下，行到六合夜市都已經好口渴啦~ 街頭有間又多人又多相又多簽名既鄭老牌老字號飲品店，立刻買!!!

在此我要多謝我個好朋友，因為我好想試蜂蜜苦瓜汁，不過我未飲過又唔好苦瓜，佢叫我買左先，如果唔好飲就俾佢當佢買，到時我就買另一個。哇~真係心都窩晒啦 <3

最後我飲左一啖，其實一入口係ok gar.. 不過數秒後舌頭係會有種苦瓜既感覺 ~___~''

所以最後我俾左友人飲，而自己就另外買左木瓜鮮牛奶，真係very good 呀!! 

另外我仲係夜市見到依晨同大仁哥既至愛 --- 台灣啤酒! 仲要係唔同既水果味，立即買左2罐冰既拎返酒店飲。每罐要TWD 50，後期發現原來超市買只需要TWD32左右~ 不過香蕉味就要一買買一PACK6罐，做左水魚啦~~~~

個大花支有D似之前係基隆夜市食果個令人回味既大大隻花支~ 正!

仲有一家要食既炸杏鮑菇~ 行下一舊行下一舊好快食晒。

不過都有中伏既時候 .___. 就係再口渴時買左個楊桃汁諗住試下從未試過既星星汁.. 點之一飲勁似惠康買果隻金罐果隻金梅片=_____=''

OMG... 飲左一半我倆決定放棄啦..我地已經盡左最大既努力啦...

另外就係台灣人真係好SOCIAL.. 大腸包小腸個大叔好搞笑(https://www.facebook.com/pages/%E5%A4%A7%E6%BC%A0%E9%87%8E%E6%A3%A7/533871423304756?fref=ts)，佢話唔好食既就返來換，唔收錢~

另外就係間間都會俾你影相，仲可以拎住佢D野嚟影~ 如果係香港，你對住D貨影張普通相都俾SALES話啦~

我一返到酒店就頂唔順去左沖涼啦~ 沖完爽晒就嘆水果啤同睇電視~ 享受真正既嘆世界~

早兩日睇<度身訂做旅行團>果時，金剛講過一個人係點既性格係可以睇佢去旅行時酒店房既習慣而睇得出既，唔知左邊既友人同右邊床既我又係個點既人呢??