。o 細寶尋寶部落格o 。

路過天橋見到有個年紀老邁既婆婆獨自開店賣糖葱餅，

佢好認真咁包，包完收錢仲好衛生地除手套先收錢。

幫襯完佢之後我就去左買幾粒橙俾佢食，諗住等佢辛苦開店之餘可以補充下維他命C!!

不過佢可能唔係好識我，唔係幾好意思，所以我就自己放底係佢架車到，

最後佢就送左個暖笠笠既茶果俾我食。。

拎住個我從未食過既鄉村小食，感覺好唔知點形容....這個係一個如此老邁的老人親手整來賣既小食..

每個人都有自己既傳奇故事，唔知婆婆咁老仲夜媽媽係到賣小食，佢背後究竟有個點樣既故事呢？？？

唔知幾時開始，我就愛上左睇災難式末日片。就好似<破‧天‧慌(The Happening)>、<無恐不入(The Invasion)>、<THE WAR OF THE WORLD>、 <28日後(28DAYS LATER)>、<29週後(28WEEKS LATER)>等等...

總之突然有種病毒會影響好多人我就會有衝動想睇。

而今次我就襯重陽假期睇左套以致命流感為主題既韓國大製作 - 戰疫(又名: 流感 THE FLU)。

其實E套戲一上映果時我都有無意中睇過佢個TRAILER，都有矛盾過去唔去睇。不過老實說一直都對韓國電影好感不大，比起一直有留意的美國大作，心裡不禁打量這套韓劇真的OKAY嗎?????

故事一開始講一批從中國偷渡到南韓的人把病毒無意中傳到南韓的人民身上，患者又會極容易把病毒一傳十十傳百地散播。

其實唔知點解近年既災難電影都會有一個年幼既小朋友，而這個小朋友都是一個關鍵人物。

不過ANYWAYS，我都好欣賞這次戰疫的小女孩，完全交足戲，要串有串要開心有開心要驚有驚要病有病，比起那些只是死背劇本的好N條街，

佢由一開始引觀眾笑，再到中途既令大家擔心緊張，再到後來搞到我喊晒既感動，真係好叻女。

睇晒之後其實自己感覺有點驚嘆，原來韓國電影可以有E一個我完全EXPECT唔到既一面，令我對自己心目中韓片既框框拉大左。

而這次既大製作完全比得上美國的末日片，不過依稀記得有一套美國片叫<奪命流感>，POSTER同THE FLU果張6格VERSION勁似，唔知兩者劇情會否雷同，等我日後又用返2粒鐘睇睇先。