。o 細寶尋寶部落格o 。

2016年5月21日

一星期前有香港旺角信和中心二樓的旅遊渡假屋店，買了$240一位的金沙自助晚餐。金沙有分近漁人碼頭的或在氹仔內的金沙城中心，雖然金沙城中心會比較新的一間，但大家千萬不要貪新，要揀返漁人碼頭的888自助餐。而今次預先買是因為信和的價錢比較平，WALK IN 門口牌寫要298一位，要加一，但有賭場會員證有9折，但後面WALK IN的客人竟然要俾三百尾一位，職員說今晚是十幾週年的特別時段，款式比較多所以比較貴，但為何門口沒有任何相關的指示? 幸好自己一早在香港買了票，今日一蚊都唔洗俾，食完拍拍PATPAT就走得。

佢有兩個時段，一是17:30-19:30，或是19:30-21:30，由於我們要過珠海訓，所以決定食頭圍，但我地遲左半小時走職員都無趕我倆。

HKD$240全包的自助晚餐是如何的?作為自助晚餐必有的三文魚刺身有，而偶爾見到的蠔及蟹腳同樣是無限量地供應。水果方面更有香甜的蜜瓜，只是這幾點都已經值回票價，但它仲要有驚喜，就是竟然有羊架! 這個價錢又會唔會要排排排搶搶搶呢? 答案是完全寫意自由自在! 所以今次和我同行的朋友TINA都認同好抵食。

我自己試過食金沙城的LUNCH自助餐，竟然連三文魚都冇，而TINA就食過另一間酒店的晚市，三百幾一個人但都沒有金沙888這麼多款式。