2014年4月10日 - DAY 4
京都 -> 金閣寺 -> 錦市場商店街 -> 清水寺
今天是這次旅程的重頭戲之一!
去兩個寺廟和一個市場都需要搭巴士,所以我買了一張一日的pass,大大減低今天的交通費用。各位來京都都可以買這張one-day pass,只需在下車時跟司機說one-day pass,放幾百yen入收費機,司機就會出一張証俾你,而你當日再搭地鐵時只要出示俾司機睇一睇就可以上車了,其實你只要有機會搭幾次巴士就可以回本了,真的很便宜,而我晚上下車後更把當日還可以使用的車票送了給當地居民,哈哈,不要浪費ma。
由sharehouse去金閣寺既巴士好易搵,因為車頭會大大隻字寫住金閭寺,而落車時更加容易,就算你大近視望唔到車外金閣寺的字眼,你只需留意那個站是全車9成人下車你便知道到站了,而下車後,沿著眾人既方向走,你就會到正門了,一切比預期中簡單。
入場費400yen,對於一個世界遺產來說,完全合理!! 而且入場卷是一大張御守護符,未見到個寺已經有一點興奮啦!
又係一個點影都係wallpaper既地方,點解日本到到都可以咁靚??
後尾上網睇返介紹,原來139幾年金閣寺已經存在,當時個外型同位置就同宜家一樣,不過就唔係宜家咁金碧輝煌,不過對於當時既環境而言已經是挺豪氣的建築。在1950時,有一名年輕的僧人在寺內自焚而完全燒毀,後期日本人根據毀壞前金閣寺的模樣而重建,外層貼上金箔而成為私眼前的金閣寺,真是一個有故事的地方。
沿著遊覽方向走其實都挺累,上了年紀的觀光客應該會有點辛苦,我就感覺還可以,畢竟現在才是今天的第一個行程而已!!
睇完個金閣寺就會見到一間車仔店是賣各式各樣的護身符,仲有hello kitty款,價錢就300-1000yen左右,我買左一個貴既室內安全木板和幾個有意義的做手信,我問過收錢果個職員,佢話唔洗再做任何野,但塊室內安全木板最好面向屋企正門,連日本的神靈都保護我,太不得了啦。
去了金閣寺就去錦市場到食lunch了,這個是我人生第一個去既日本市場呀!平時跟團不會去的地方,而只有在電視出現的魚市場......我來了!!!
問了路後得知要坐5號車去karasuma station附近,不過等左一陣都未有5號車,所以從直覺出發,轉坐另一架巴士,結果都幾順利!! 轉一個未肯定的方法真係只可以在一個人的旅行時做,如果和親友結伴而上了一架錯的車,應該會大大降低旅行的心情。
未到錦市場前原來會經過步行街,兩旁都有好多好吸引的商店,不過下一站要在關門前去清水寺,所以唔可以在這邊拖太長時間,因為我深信這一帯完全可以花一整天去shopping。
到錦市場了,行行下見到頭頂有個錦字就知到左啦~成個環境同電視睇既一樣gar!!成個市場係唔臭之餘,塊地又完全唔污糟,仲要有蓋遮頭,又唔驚太陽又唔怕落雨,真係好舒服。而我就食左串燒丸子,我就是喜歡即燒的這種感覺,唔知香港既街頭小食幾時可以有呢。另外仲食左原粒日本士多啤梨放入去既草餅,一咬落去正到呀,真係俾十粒我都會食晒去!!跟坐見到個好特別既章魚,佢望落係成隻,不過個頭又會有粒蛋係到,佢有分唔同大細唔同價錢,我就俾250yen買一隻細既試一下啦,其實味道就是章魚和蛋,不過食一下個趣味也不錯。另外見到好多好新鮮的刺身,再望一望個價錢其實都合理,回想起屋企人跟團去日本的自費食物,真係要講多一次領隊導遊食水好深呀!
好鍾意錦市場,下次都一定會來這裡走一走!