2013年6月16日
DAY 2
(酒店 - > 墾丁 - > 雲香滇泰緬料理 - > 電單車觀光自駕遊 - > 墾丁夜市 - > 艾比莎渡假旅店)
第二日訓醒就落去西餐廳食過自助早餐，飲番包香港拎嚟既清熱酷~
佢個早餐都幾多野食，晨早流流都有小朋友既POPCORN同雪糕。
食完早餐就出去打個轉睇下有咩車可以撘去墾丁，本來想安心一點係香港果時上網BOOK定先，因為係FACEBOOK見到HKD100一位撘共乘既包車去，不過我MSG左幾次俾佢地都冇回覆。不過原來搵車撘係件勁易既事，首先街邊勁多檳榔大叔係到搵客，而且左右都有幾間客運以大旅遊包型式車我地去到墾丁大街。價錢就相差無幾，時間就檳榔大叔既包車一定會因為唔洗站站停而快點點，不過我地始終兩個女仔，都係決定安全少少揀大巴。
本身諗住遇早半粒鍾退房，之後就上車出發~ 點知間酒店勁方便 -
CHECK-IN = 直接拎KEY
CHECK OUT = 就咁放底KEY =.='''
從車上影下間酒店，望落真係幾新下。
過左恆春古城就開始見到大海啦!!!!!!!!! 雖然已經撘左成粒幾鐘車，又雖然唔知仲有幾耐要落車，不過望住個海真係心鄺神怡好RELAX，RELAX之中又有點遇大海相遇既興奮!
我地會住2晚既就係艾比莎渡假旅店，可以BOOK到佢我覺得係我既成就之一! 因為上民宿睇有勁多個選擇，不過平平地既要2-4百蚊港幣一晚，不過通常都係勁細間+冇露台+遠離大街+陳舊+冇海景。如果想要一起身就望到個海既就要床成6-9百幾一晚，完全唔著數。不過e間就好近大街，又對住個海景，又有個小小既露台~都只係要HKD930 2晚，房間入面仲要收到WIFI好方便，絕對值得推薦!
安放好行李之後就去醫下肚啦~ 雖然明明係台灣唔係泰國，不過大街有好幾間泰國野，有D仲有套餐好底食咁既樣，不過我地太遲啦~所以好多都處於午市後既小休時段，就叫左仲營業緊散叫既雲鄉滇泰緬料理。
我地叫左雲南椒麻雞(TWD240)、酸辣海鮮湯(TWD260)、月亮蝦餅(TWD240)、芒果汁(TWD70)、仲有個唔記得左咩汁同好有咖哩味既鮮蝦旦，
其實叫果時都有諗過會唔會食唔晒，不過仲會好百痴咁問個WAITER會唔會太多(每次都總會答唔會GAR=='')，我地2個食完E餐真係超飽!
個雲南椒麻雞上而有好足料既調味，火喉又剛剛好唔太濕唔太DRY，仲要中左我最喜歡既POINT: 冇肥脂肪!! 完全係下次嚟都會叫既食物之一，正呀~
酸辣湯比較偏辣，我都要飲返兩啖水，如果老豆係到食佢應該會好ENJOY啦~
月亮蝦餅其實咁炸法會冇咁熱氣幾好食，不過E D 小食真係小食多滋味.. 2個人食成碟都有點勉強。下次2個人食可以試下夜市果D月亮蝦餅，不過唔知會唔會冇咁脆呢???
而個唔記得咩名唐既咖哩味旦其實真係好好味，我仲夾左D月亮蝦餅一齊食，我相信如果送飯都一流! 不過我地2個真係無E個福份去食碗飯啦 @___@'' 因為已經好飽啦...
食完野一直都計劃緊天氣咁好去唔去遊水，不是又太飽啦，最後決定做今次台南之旅既重頭戲 - 開電單車!!!
其實大街都有唔少店舖有得租，有D就係咁揮手叫我地玩，有D就見我地兩個女仔未玩過唔肯租俾我地。
最後揀左一間，店主都幾好人，仲好好彩佢早兩日入左兩架新既SMALL SIZE既電單車，會比較啱女仔用~
決定租之後我地就簽左張紙，其實簽果時都驚驚地佢地會玩完之後屈我賠錢野D...
之後佢會車我地一對一咁上返堂先，我用左5MINS左右就學識左啦~哈哈，個老闆仲讚我叻。
其實我覺得最重要係要係適當既時間熄匙，例如你轉個好冇信心既細彎咁~ 因為通常都會唔小心變左加速而出事。
最尾豬WING唔合格，老闆竟然叫我車埋佢~ 所以我又去上多5MINS有乘客既堂~ 上完之後就出發我地既觀光之旅啦!
開頭開住架車，係大街又多車真係有點驚~ 點次行下行下條路又大又冇咩車，我就開到成時速五十幾KM啦!!
係船帆石果頭有個T字位，我地見住架電單車落完斜打斜咁橫掃撻底，哇~個心驚左一驚，果下個女仔應該一定損左幾痛下，而架車應該花左啦~
我地再行經過埋砂島生態保護區，完全冇特別冇興趣....
再行就到鵝鑾鼻公園，其實我地2個有D唔想行果條又多蚊又有點距離既斜坡.. 不是一場嚟到點都要睇下個塔既!!睇完我地就走啦~
其實下面藍天白雲綠草地既相係好靚，我係電腦放大睇完全好似WINDOW果張WALLPAPER咁，
不過現實係現場好多蚊，多蚊到冇人行上草地既 ^^''''
再之後其實開始天黑啦，我地拿拿林去埋台灣最南點。
講一講由大街嚟E個景點原來只係一直路，真係唔會驚唔識路。下次等我再去埋風吹沙同後壁湖，睇下易唔易先!
我嚟之前仲擔心另一樣野山3係隨街放低架車會唔會被人偷左，嚟之前係咁問我其他嚟個既朋友E件事，佢地都話好安全GAR，事實都真係幾安全。
係停車場放好車之後，原來要行900M左右先到GAR..
果條路日頭行應該好正，因為完全被樹蔭遮蓋住個烈日，
不過我地去果時係黃昏，係條小路行果時係黑黑地唔係好夠光。
我地兩個已經拖住手咁行，都驚驚地..
突然... 有隻野係遠處飛向豬WING，掃到豬WING既頭髮， 我地立刻跑返轉頭唔敢再入啦 ^^'''
所以我地最終係冇去到最南點果個位，係果頭更一張相都冇影到.. 不過我覺得冇因為咁而唔美滿~
因為我每次諗起E個經歷都笑左出嚟，而且我有個非一般既最南點體驗，同平時去到一個景點影兩張相既感覺好唔同!!!
還完車之後去左大街行夜市醫下肚，我地仲買左煙花! 2個人膽粗粗咁去放~
點隻識飛既煙花同大噴既煙花果時我地勁驚，申直隻手企到老遠，好幾次以為點左就彈開左，點知一D動靜都冇^-^'' 哈哈~好搞笑呀。下次嚟我要再玩過! 玩D再勁D既~
玩完返酒店又食，仲係7-11買左支MOCHA，E支野又平又好味又靚!!成個TRIP我飲左3次!!
而另外要推薦既係7-11既統一布丁。我地去果時佢仲做緊買一送一優惠，只要TWD25就有兩大盒，所以好幾間7-11都買唔到!
< - 超似隻狗既MINNIE XDDD
