。o 細寶尋寶部落格o 。

2014年4月10日 - DAY 1

香港 -> 關西機場-> 和歌山

今次真係抱住一個人點都得既心態... 哈哈，所以真係冇好好既PLANNING~

前一晚10點先開始執行李，仲要一到執一到玩下東玩下西，最尾成三點幾先訓..

而9點既飛機，計埋要嘆早餐，係需要7點左右到機場...再計我要等車同返工時間... OMG... 要好早出門呀 -O-

而興幸我有個好好既的士爸爸收工前刻意車我去山長又水遠既機場 : ) 所以唔洗等車同人迫啦，真幸福。

而去到機場推住手推車果個moment，突然有一種興奮: 我自己一個既旅行真正正式開始啦!!!!!!

(p.s.這是一種我到今天都仲記得既震撼感覺，是光想想沒法想出來的情緒，是一種真正打入心入面既感動!!!)

寄完行李我就開始計我既早餐時間啦，我坐既係hk express，所以幾個鐘的飛機是沒有餐飲服務， 

到步日本應該是香港時間兩點，所以我上機前一定要食個full set breakfast，

不過寄完行李又太早，所以我就自己一個趴左係坐椅到，以蛓滿全身家的袋作為抱枕，以大褸為被，這樣就一條友訓左成粒鐘 ^^''

訓醒就真係要食野啦，係香港機場T2 3/F 有間好似叫千燒百味既餐廳，有廿幾蚊一SET既超平早餐，超經濟!!  

本來打算買舊飯團上機當LUNCH食，不過太早啦~ T1 T2 兩間都未開~不得不放棄了,,,

過完香港海關之後大致知道個上機閂係邊，就走去完成第一件PLANNING之內要做既事，就係先買碌水後上機啦~ 一開始以為要成廿蚊既水最後我係萬寧幾蚊就順利買到!! 超開心!!!

跟住突然諗起要望一望個SCREEN睇下有冇轉到登機時間同閂口，哇哇哇..唔睇好地地一睇就出事啦!! 紅色字閃閃閃 [[ FINAL CALL ]]!!

立馬落返兩層衝去上機，所以今次連上機前必影位都無影到~

不過係我跑緊既時候有個地勤見我咁趕就問我係唔係去長沙，果一刻我係到諗唔知近日成日都錄我是歌手而要去長沙既呀GEM係唔係附近呢???????

準時起飛...不過我一上機冇耐又訓左啦，我真係一個係咩交通工具都可以訓得好好既人,,,仲可以一個人都可以安心咁訓，真係服左自己^-^'''''